Universidade Díli no Universidade Aberta (Portugal), universidade públika ida de’it ne’ebé hala’o de’it Ensinu a Distánsia (EaD), asina ohin loron 30 fulan Outubru 2025, iha Lisboa, Memorandu Entendimentu ida importante.
Iha serimónia asina memorandu, husi UNDIL partisipa Vice-Reitor ba Área Siéntífika no Pedagójika Ensinu Graduaçaun (Francisco Martins da Silva), Dekanu Fakuldade Enjinharia (Januário Freitas Araujo Bernardo) no Xefe Servisu Finansa sira (Fortunato Pereira). Husi Universidade Aberta partisipa Vice-Reitor ba Internasionalizasaun no Estensaun Universitáriu (Paulo Bento) no Vice-Reitor ba Inovasaun, Kualidade no Transformasaun Dijitál (Diogo Casa Nova).
Asinatura memorandu ne’e marka hahú kooperasaun estreita iha área formasaun kontinua ba profesór língua portugés sira, formasaun pós-graduasaun (mestradu no doutoramentu), mobilidade dosente virtual, apoiu tékniku no pedagójiku EaD, no investigasaun multisentru entre Sentru Investigasaun Universidade Aberta nian no Sentru Investigasaun no Formasaun Avansadu UNDIL nian.