Embaixadora Portugál, Dra. Manuela Bairos, remata ona nia Misaun Diplomatika no ohin mai atu despede an ho komunidade akademika UNDIL nian.
Hodi reprezenta Reitor, Prof. Doutór José Agostinho da Costa Belo Pereira, ne’ebé la marka prezensa tanba razaun forsa maior, partisipa Pró-Reitor no Dekanu Fakuldade Edukasaun, Prof. Doutór M. Azancot de Menezes.
Mos marka prezensa Prezidente Fundasaun BOAKRIL, Dr. Estêvão Belo; Vice-Reitor sira Dr. Francisco Martins no Dr. Augusto Tomás Correia; Dekanu Fakuldade Ekonomia (Prof. Doutór Alfredo dos Santos) no Fakuldade Siénsia Saúde (Dra. Fitri Kusumasari); dosen sira husi Fakuldade Edukasaun, Departamentu Língua Portugés no Kultura CPLP (Dra. Fernanda Formoso da Silva no Dra. Eugénia Viegas); no estudante sira Maria de Lurdes no Milena Vicente.
Iha okaziaun ne’e, UNDIL oferese Sertifikadu Rekonhesimentu ba Embaixadora Portugál hodi apresia esforsu no dedikasaun iha Timor-Leste (2022–2025). Embaixadora mos oferese ba UNDIL obra famozu “Arquitetura Timorense”, husi autor sira Ruy Cinatti, Leopoldo de Almeida no Sousa Mendes, entre seluk, no viola tradisional Portugés ida.
UNDIL no Embaixada Portugál kontinua hala’o atividade barak hodi promove língua Portugés no hametin relasaun amizade no koperasaun entre povu no nasaun rua. Embaixadora Portugál remata nia misaun iha Timor-Leste no hakarak hato’o despedida ho forma pesonal iha Universidade Díli.