Reitór Universidade Luanda (UniLuanda), Prof. Doutor Alfredo Buza, simu Pró-Reitór UNDIL ba Área Investigasaun, Pós-Graduasaun no Kooperasaun ho CPLP, no mós Dekanu Faculdade Edukasaun UNDIL, Prof. Doutor Manuel Azancot de Menezes.
Enkontru ne’e hala’o iha loron 29/01/2026, no mos partisipa Vice-Reitór ba Asuntu Sientífiku no Pós-Graduasaun, Bukusu Ndongala Hachim, no Diretór Sentru Investigasaun, Sebastião dos Santos.
Entre asuntu sira seluk, diskute hela buat barak relasiona ho dezenvolvimentu projetu investigasaun ne’ebé la’o hela no envolve peskizadór sira husi universidade rua nian, no mós troka hanoin geral kona-ba Konferénsia FORGES ba dala 16, ne’ebé sei realiza iha tinan 2026 iha Angola.
Nota katak Universidade Luanda, hanesan ida husi universidade públika rua iha kapitál Angola, no Universidade Díli, asina ona akordu kooperasaun iha fulan Novembru tinan 2023, ho objetivu atu hametin sinerjia entre Angola no Timor-Leste iha kuadru kooperasaun akadémika no kultural, liu-liu iha área ensinu no investigasaun sientífika.